Lu mastru d'ascia

Masciu d’ascia era chiamatu

Lu falignami du tempu passatu

Ma di tutti lu cchiù canusciutu

Fu San Giuseppi lu santu varbutu

Lu lignu piallava, misurava e sirrava

E puru li chiova iddru usava

Comò, armadiu e tavulu eranu pronti intra un nenti

Ed eranu mobili ben resistenti

Ca ti duravanu eternamenti

Porti e finestri macari aggiustava

Mentri allegramenti cantava cantava

Di sirratura e coddra era sempri ‘nchiappatu

E di tutti l’antri era ammiratu

La so maistria tutti ‘mmidiavanu

Picchi opiri d’arti di so mani niscivanu

Ora stu misteri ca scumparennu

Picchi ni mobilifici jemu accattannu

Anchi si un duranu cchiossà di un annu

L’ultime righe di questa poesia significano che prima le cose si pagavano di meno e duravano di piu’, invece ora si pagano molto e durano poco.